వాగు పొంగకపోతే.. ఆ చిన్నారి బతికేదేమో!

ములుగు జిల్లా ఏటురునాగారం మండలంలో పిడుగుపాటుతో ఓ చిన్నారి మృతి చెందింది. మరో ఇద్దరు పిల్లలు తీవ్ర గాయాలపాల్యయారు. పొంగి పొర్లుతున్న వాగుల ఉద్ధృతితో వారిని ఆసుపత్రికి తీసుకెళ్లలేకపోయామని గ్రామస్థులు ఆందోళన చెందుతున్నారు.

ములుగు జిల్లా ఏటూరునాగారం మండలం కొండాయి గ్రామ పంచాయతీ పరిధిలోని గోవిందరాజులు కాలనీలో పిడుగు పాటుతో ఓ చిన్నారి మృతి చెందింది. గుడిసెమీద పిడుగు పడటం వల్ల అందులో ఉన్న ముగ్గురు పిల్లల్లో 8నెలల పసిగుడ్డు అక్కడికక్కడే మరణించింది. తీవ్రంగా గాయపడిన మరో ఇద్దరు చిన్నారులను ఏటూరునాగారం సామాజిక ఆస్పత్రికి తరలిస్తుండగా మార్గ మధ్యలో ఉన్న వాగు ఉద్ధృతంగా ప్రవహించింది. ఆ ధాటికి తట్టుకోలేక వారిని ఆస్పత్రికి తరలించలేకపోయామని గ్రామస్థులు ఆవేదన వ్యక్తం చేస్తున్నారు.

ఇదీ చూడండి:భార్య ఆత్మహత్య చేసుకుందని... భర్త బలవన్మరణం..