ములుగు జిల్లా కేంద్రంలో రక్తదాన శిబిరం

పోలీసు అమరవీరుల వారోత్సవాలను పురస్కరించుకుని ములుగు జిల్లా కేంద్రంలో రక్తదాన శిబిరం నిర్వహించారు. ఈ రక్తదాన శిబిరాన్ని కలెక్టర్ ఎస్.కృష్ణ ఆదిత్య ప్రారంభించారు.

ములుగు జిల్లా కేంద్రంలో పోలీసు అమరవీరుల వారోత్సవాలను పురస్కరించుకుని డీఎల్​ఆర్ ఫంక్షన్​హాల్​లో రక్తదాన శిబిరాన్ని జిల్లా కలెక్టర్ ఎస్.కృష్ణ ఆదిత్య ప్రారంభించారు. వెంకటాపూర్, ములుగు, గోవిందరావుపేట, తాడ్వాయికి చెందిన 150 మంది యువకులు, పోలీసులతో పాటు పోలీసు అధికారులు కూడా రక్తదానం చేశారు.

రక్తదానం చేసిన ప్రతి ఒక్కరికీ బ్లెడ్ డొనేషన్ సర్టిఫికెట్​తో పాటు పండ్లరసం, పండ్లు అందించారు. ఈ కార్యక్రమంలో ఏఎస్పీ సాయి చైతన్య, సీఐ దేవేందర్ రెడ్డి, ఎస్సైలు పాల్గొన్నారు.

ఇదీ చదవండి: ధాన్యం కొనుగోళ్లపై మంత్రి గంగుల కమలాకర్‌ సమీక్ష