దొంగగా మార్చిన అప్పులు, కుటుంబ పోషణ
ఈనెల 10న యాదాద్రి జిల్లా తుర్కపల్లి మండలం మాదాపూర్‌కు చెందిన సత్యలక్ష్మి.. తన కుమారుడు సంతోష్ కుమార్‌తో కలిసి హైదరాబాద్‌ చంపాపేట నుంచి ద్విచక్రవాహనంపై మాదాపూర్‌కు వెళ్తోంది. వరంగల్‌ జాతీయ రహదారి అన్నోజిగూడ వంతెన వద్దకు రాగానే వెనక నుంచి మరో ద్విచక్రవాహనంపై వచ్చిన అజీజ్.. సత్యలక్ష్మి మెడలో ఉన్నబంగారు గొలుసు ఎత్తుకెళ్లాడు. బాధితురాలి కుమారుడి ఫిర్యాదుతో పోలీసులు కేసు నమోదు చేశారు. అనుమానంతో అజీజ్‌ను అదుపులోకి తీసుకుని విచారించగా తానే దొంగతనం చేసినట్లు ఒప్పుకున్నాడు. అతని నుంచి బంగారు గొలుసుతో పాటు ద్విచక్రవాహనాన్ని పోలీసులు స్వాధీనం చేసుకున్నారు.
