రాష్ట్రవ్యాప్తంగా ఆర్టీసీ కార్మికులు చేస్తున్న బంద్ ఐదో రోజుకు చేరుకుంది. హైదరాబాద్ జీడిమెట్ల బస్ డిపో వద్ద కుత్బుల్లాపూర్ నియోజకవర్గ సీపీఎం, కాంగ్రెస్ పార్టీ నాయకులు ఆర్టీసీ కార్మికులకు మద్దతుగా ధర్నా చేశారు. పోలీసులు వీరికి సర్దిచెప్పి పంపగా... కార్యకర్తలు బస్ డిపో నుంచి షాపూర్నగర్ వరకు ర్యాలీ నిర్వహించారు. రాష్ట్ర వ్యాప్తంగా జరుగుతున్న సమ్మెను పట్టించుకోకుండా ఉద్యోగులను తొలగించడం అన్యాయమని.. ప్రభుత్వం వీరి సమస్యలను పరిష్కరించేవరకు సమ్మెకు పూర్తి మద్దతిస్తామని కాంగ్రెస్ నేత శ్రీశైలం గౌడ్ తెలిపారు. ఆ ప్రాంతంలో ఎలాంటి అవాంఛనీయ ఘటనలు జరగకుండా పోలీసులు పటిష్ఠ బందోబస్తు ఏర్పాటు చేశారు.
జీడిమెట్లలో ఆర్టీసీ కార్మికుల సమ్మె
ఇదీ చదవండిః ఆర్టీసీని కాపాడుకోవడమే సమ్మె ఉద్దేశంః అశ్వత్థామరెడ్డి
