ప్రశ్నించే గొంతును పార్లమెంటుకు పంపండి: రేవంత్​

నేటితో ప్రచార పర్వం ముగుస్తున్నందున తక్కువ సమయంలో ఎక్కువ ప్రాంతాల్లో ప్రచారం చేసేలా అభ్యర్థులు పూనుకున్నారు. నియోజక వర్గాల్లో బైక్​ ర్యాలీలు చేస్తూ ఓటు అభ్యర్థిస్తున్నారు. ఎల్బీనగర్​లోని పలు డివిజన్లలో మల్కాజిగిరి కాంగ్రెస్ అభ్యర్థి  రేవంత్​ రెడ్డి ద్విచక్ర వాహన ర్యాలీ నిర్వహించారు.

ప్రభుత్వాన్ని అడగాలన్నా, కడగాలన్నా ప్రతిపక్షంలో ప్రశ్నించే గొంతు ఉండాలని మల్కాజిగిరి లోక్​సభ కాంగ్రెస్​ అభ్యర్థి రేవంత్​రెడ్డి అన్నారు. నియోజకవర్గంలోని మనసురాబాద్​ నుంచి నాగోల్​ వరకూ ద్విచక్ర వాహన ర్యాలీ నిర్వహించారు. అధికార పార్టీ రాష్ట్రంలో ప్రతిపక్షమే లేకుండా చేస్తోందని ఆరోపించారు. ప్రచారంలో ఆయన వెంట మాజీ ఎమ్మెల్యే మల్రెడ్డి రంగారెడ్డి, స్థానిక నాయకులు, భారీ సంఖ్యలో కార్యకర్తలు పాల్గొన్నారు.

ఇదీ చదవండి: సికింద్రాబాద్ బరిలో 'హస్త' సన్యాసమేనా?