పురపాలక ఎన్నికలకు ఏర్పాట్లు పూర్తి

రేపు జరిగే పురపాలక ఎన్నికలకు అధికారులు అన్ని ఏర్పాట్లు పూర్తి చేశారు. ప్రతి ఒక్క ఓటరు తమ ఓటుహక్కును వినియోగించుకోవాలని కోరారు. పోలింగ్​ కేంద్రాల వద్ద ఎలాంటి అవాంఛనీయ సంఘటనలు జరగకుండా పటిష్ఠ బందోబస్తు ఏర్పాటు చేశారు.

పురపాలక ఎన్నికలకు సర్వం సిద్ధమైంది. ఓటర్లకు ఎలాంటి ఇబ్బందులు కలగకుండా అధికారులు ఏర్పాట్లు చేశారు. ఎలాంటి అవాంఛనీయ సంఘటనలు జరగకుండా గట్టి బందోబస్తు ఏర్పాటు చేశారు.

శంకర్​పల్లిలో...

రంగారెడ్డి జిల్లా శంకర్​పల్లిలో 15 వార్డులకు గానూ ఒక వార్డు ఏకగ్రీవం కావడం వల్ల 14 వార్డులకు ఎన్నికలు నిర్వహిస్తున్నారు. 28 పోలింగ్ కేంద్రాల్లో 150 మంది ఎన్నికల సిబ్బంది, 100 మంది పోలీసులు విధులు నిర్వహించనున్నారు.

రాజేంద్రనగర్​ నియోజక వర్గంలో

రంగారెడ్డి జిల్లా రాజేంద్రనగర్ నియోజకవర్గంలో పురపాలక ఎన్నికలకు అధికారులు ఏర్పాట్లు పూర్తి చేశామన్నారు. శంషాబాద్, మణికొండ, నార్సింగి మున్సిపాలిటీలతో పాటు బండ్లగూడజాగీర్ కార్పొరేషన్ ఎన్నికల ఏర్పాట్లు పూర్తయ్యాయని రాజేంద్రనగర్​ ఆర్డీవో చంద్రకళ పేర్కొన్నారు. మొత్తం 1,500 మంది సిబ్బంది ఎన్నికల నిర్వహణ విధుల్లో పాల్గొంటారని ఆమె వివరించారు. 25న జరిగే ఎన్నికల లెక్కింపు కేంద్రాన్ని బండ్లగూడ జాగీర్​లోని లార్డ్స్ కళాశాలలో ఏర్పాటు చేశామని ఆమె తెలిపారు.

మేడ్చల్​ జిల్లాలో

మేడ్చల్ జిల్లాలోని మేడ్చల్​,నాగారం, దమ్మాయిగూడ, గుండ్లపోచంపల్లి, తూముకుంట, కొంపల్లి, నిజాంపేట్​ మున్సిపాలిటీల్లో పురపాలక ఎన్నికల కోసం అధికారులు అన్ని ఏర్పాట్లు చేశారు. ఎలాంటి అవాంఛనీయ ఘటనలు జరగకుండా పోలీసులు భారీ బందోబస్తును ఏర్పాటు చేశారు. పోలింగ్​ కేంద్రాలకు పంపవలసిన సామగ్రి, బ్యాలెట్​ బాక్సులను సిబ్బందికి అందజేశారు.

ఇవీ చూడండి: రేపే పోలింగ్​... పుర ఎన్నికలకు సర్వం సిద్ధం