తెలంగాణలో 2023 ఎన్నికల్లో కాంగ్రెస్‌ను అధికారంలోకి తీసుకొచ్చేందుకు నాయకులు, కార్యకర్తలు శక్తివంచన లేకుండా శ్రమించాలని ఆ పార్టీ రాష్ట్ర వ్యవహారాల ఇన్‌ఛార్జి మాణికం ఠాగూర్‌ పిలుపునిచ్చారు. హైదరాబాద్‌ శివారు కొంపల్లిలో టీపీసీసీ ఆధ్వర్యంలో జిల్లా, బ్లాక్‌, మండల అధ్యక్షులకు డిజిటల్‌ సభ్యత్వ నమోదుపై రెండు రోజులపాటు జరిగే రాజకీయ శిక్షణ తరగతులు మంగళవారం ప్రారంభమయ్యాయి.
ఈ సందర్భంగా ఆయన మాట్లాడుతూ.. చిన్న చిన్న విషయాలకు మీడియాకెక్కడం సరికాదని, పార్టీ క్రమశిక్షణను ఉల్లంఘిస్తే చర్యలు తప్పవని హెచ్చరించారు. వచ్చే ఎన్నికల్లో అధికారంలోకి రావాలంటే 80 లక్షల ఓట్లు, 78 ఎమ్మెల్యే సీట్లు సాధించాలని.. అందుకు 30లక్షల సభ్యత్వాలు చేయించాలన్నారు. డిసెంబరు 1లోపు ప్రతి పోలింగ్‌ కేంద్రానికి ఒక నాయకుడిని ఎంచుకోవాలన్నారు.
మన కాంగ్రెస్ పార్టీకి మండల అధ్యక్షులే వెన్నెముక. మంచిగా పని చేసిన మండల కాంగ్రెస్ అధ్యక్షులను తప్పకుండా గుర్తుంచుని.. వారిని ప్రోత్సాహపరిచే విధంగా ముందుకు తీసుకెళ్తాం. మనం అధికారంలోకి వచ్చాక.. మండల అధ్యక్షులే ముఖ్యమైన పాత్ర ప్రభుత్వంలో పోషిస్తారు. -రాష్ట్ర వ్యవహారాల ఇంఛార్జి మానికం ఠాగూర్‌
ఇదీ చూడండి: Revanth Reddy: 'మనం కొట్టుకోవడం కాదు.. తెరాస, భాజపాలపై మన ప్రతాపాన్ని చూపిద్దాం'
