చిన్న అజాగ్రత్త... దంపతుల ప్రాణం తీసింది...

గ్యాస్​ సిలిండర్​ పేలి దంపతులు మృతి చెందిన ఘటన మేడ్చల్​ జిల్లా సూరారంలో జరిగింది. వారి రెండేళ్ల కూతురు పరిస్థితి కూడా విషమంగా ఉంది. గ్యాస్​ లీకేజీతోనే పేలుడు సంభవించినట్లు తెలుస్తోంది. కేసు నమోదు చేసుకున్న పోలీసులు విచారణ జరుపుతున్నారు.

మేడ్చల్ జిల్లా సూరారంలో భద్రాద్రి కొత్తగూడెం జిల్లా మధిరకు చెందిన షేక్​ సుభాన్, షర్మిల దంపతులు నివాసిస్తున్నారు. వీరికి రెండేళ్ల పాప హైదర్​ ఫిర్దుష్​ ఉంది. సుభాన్ ఎలక్ట్రిషియన్​గా పని చేస్తున్నాడు. ఈ నెల 5 సాయంత్రం ఇంట్లో సిలిండర్ అయిపోవడం వల్ల కొత్త సిలిండర్ అమర్చాడు. సిలిండర్ లీకవుతున్న విషయాన్ని వారు పసిగట్టలేకపోయారు. 6న తెల్లవారుజామున 5.30 నిమిషాల సమయంలో సుభాన్​ నిద్రలేచి సెల్ ఫోన్ ఛార్జింగ్ పెట్టుకునేందుకు స్విచ్ ఆన్ చేయగా ఒక్కసారిగా మంటలు వచ్చాయి. ఇంట్లో ఉన్న ముగ్గరు 50 శాతం కాలిన గాయాలతో ఆస్పత్రికి చేరగా సుభాన్, షర్మిల మృతి చెందారు. పాప హైదర్​ ఫిర్దుష్ చావుతో పోరాడుతోంది.

ఇదీ చూడండి: వీడియో: బాగ్దాదీని ఎలా మట్టుబెట్టారో తెలుసా..?