స్నేహితుల వద్దకు వెళ్లొస్తానని చెప్పి.. అనంతలోకాలకు

స్నేహితుల వద్దకు వెళ్లొస్తానని చెప్పి ఇంటి నుంచి బయలు దేరిన కుమారుడు తెల్లవారేసరికి శవమై కనిపించాడు. చేతికందొచ్చిన కొడుకు నిర్జీవంగా పడి ఉండటం చూసిన ఆ తల్లిదండ్రులు గుండెలవిసేలా రోదించారు.

మేడ్చల్​ జిల్లా ఘట్​కేసర్​ పీఎస్​ పరిధిలోని అవుషాపూర్​లో ఓ విద్యార్థి ఆత్మహత్యకు పాల్పడ్డాడు. డిగ్రీ ప్రథమ సంవత్సరం చదువుతున్న శైలేశ్​ నిన్న రాత్రి 11.30 గంటల సమయంలో స్నేహితుల వద్దకు వెళ్తున్నానని తల్లిదండ్రులకు చెప్పి ఇంట్లో నుంచి బయటకు వెళ్లాడు.

ఉదయమైనా తిరిగి రాకపోయేసరికి తల్లిదండ్రులు పోలీసులకు సమాచారం అందించారు. ఓ వైపు పోలీసులు, మరో వైపు కుటుంబ సభ్యులు ఆ యువకుడి కోసం గాలింపు చర్యలు చేపట్టారు. చివరకు తమ ఇంటి సమీపంలోని ఓ నీళ్ల ట్యాంక్​ వద్ద పడి చనిపోయినట్లు గుర్తించారు.

ట్యాంక్​పై నుంచి దూకి ఆత్మహత్య చేసుకుని ఉంటాడని పోలీసులు ప్రాథమికంగా అనుమానిస్తున్నారు. కేసు నమోదు చేసుకుని దర్యాప్తు చేస్తామని తెలిపారు.

• ఇదీ చూడండి : భవనం కూల్చుతుండగా ప్రమాదం... వ్యక్తి దుర్మరణం