భాజపా విసిటింగ్ కార్డు, పత్రికా ప్రకటనల కోసం పనిచేసే పార్టీ కాదని, కష్టపడి పని చేసే పార్టీ అని ఆ పార్టీ రాష్ట్ర అధ్యక్షుడు బండి సంజయ్ పేర్కొన్నారు. కష్టపడి పని చేసే వారిని పార్టీ గుర్తిస్తుందని తెలిపారు. అంబేడ్కర్, పూలే వంటి గొప్ప వ్యక్తులను స్ఫూర్తిగా తీసుకుని కార్యకర్తలు పని చేయాలని సూచించారు. మేడ్చల్ జిల్లా మల్కాజిగిరిలో నిర్వహించిన భాజపా ఓబీసీ మోర్చా తెలంగాణ రాష్ట్ర కార్యవర్గ సమావేశంలో ఆయన పాల్గొన్నారు.
జిల్లాల వారీగా ఓబీసీ నాయకులు, కార్యకర్తలు రాష్ట్ర ప్రభుత్వ వైఫల్యాలను ప్రజలకు తెలియజేయాలని బండి సంజయ్ సూచించారు. ఈ సందర్భంగా రాష్ట్రంలో బీసీలను చీల్చే ప్రయత్నం చేస్తున్నారన్న ఆయన.. బీసీలకు సరైన న్యాయం చేస్తున్న పార్టీ భాజపా ఒక్కటే అని చెప్పుకొచ్చారు. కార్యక్రమంలో భాజపా రాష్ట్ర మాజీ అధ్యక్షుడు లక్ష్మణ్, మాజీ ఎమ్మెల్సీ రాంచందర్రావు, పలువురు స్థానిక కార్పొరేటర్లు తదితరులు పాల్గొన్నారు.
ఇదీ చూడండి: 'సాగర్ పోరు': హోరెత్తిన ప్రచారం.. మండుటెండలోనూ ప్రజల్లోకి వెళుతున్న అభ్యర్థులు
