మేడ్చల్ మల్కాజిగిరి జిల్లా కీసర మాజీ తహసీల్దార్ నాగరాజు అక్రమాస్తుల కేసులో ఒక్కొక్కరిగా బినామీల పేర్లు బయటకు వస్తున్నాయి. ఈ మేరకు సికింద్రాబాద్ బొల్లారం సదర్బజార్లో అతని బినామీ ఇంటిని ఏసీబీ అధికారులు గుర్తించారు. నందగోపాల్, నాగరాజు ఇద్దరూ ఒకే కాలేజీలో చదువుకున్నారని.. నందగోపాల్ సోదరుడు మహేందర్ ఐసీఐసీఐ బ్యాంకులో పని చేస్తున్నట్లు అనిశా డీఎస్పీ సూర్యనారాయణ తెలిపారు.
కీసర ఎమ్మార్వో నాగరాజుతో నందగోపాల్ మహేందర్కు సత్సంబంధాలు ఉండేవని.. మహేందర్ లాకర్ను ఎమ్మార్వో, అతని భార్య స్వప్న పలుమార్లు ఉపయోగించుకునేవారని ఒప్పుకున్నట్లు పోలీసులు వివరించారు. బ్యాంకు అధికారులతో మాట్లాడి లాకర్ను తెరిచి అందులో ఉన్న ఆస్తికి సంబంధించిన వివరాలను తెలిసుకునే ప్రయత్నం చేస్తామని అనిశా అధికారులు తెలిపారు.
ఇదీ చదవండిః నీటమునిగిన ఇళ్లు.. ఆదుకోవాలని బాధితుల వేడుకోలు
