మెదక్ జిల్లా హవేలీ ఘన్పూర్ మండలం బూరుగుపల్లి, ఘాజిరెడ్డిపల్లి, సర్దన గ్రామాల్లో తెరాస పార్టీ తరపున పోటీ చేస్తున్న ఎంపీటీసీ, జడ్పీటీసీ అభ్యర్థులను గెలిపించాలని మెదక్ ఎమ్మెల్యే పద్మా దేవేందర్‌రెడ్డి కోరారు. ఎంపీటీసీ, జడ్పీటీసీలు తెరాస వారు అయినప్పుడే అభివృద్ధి గ్రామస్థాయి వరకూ చేరుతుందన్నారు. ఎన్నికల కోడ్‌ ఉండటం వలన సంక్షేమ పథకాలు కొన్ని పెండింగ్లో ఉన్నాయన్నారు. అవి కూడా ఎన్నికల అయిపోగానే లబ్ధిదారులకు చేరే విధంగా పనిచేస్తామని అన్నారు. పెన్షన్ వెయ్యి రూపాయల నుంచి రెండు వేల రూపాయలకు పెంచామని, ఈ జూన్ నెలలో రెండువేల పెన్షన్ అమల్లోకి వస్తుందని తెలిపారు. సంక్షేమానికి పెద్దపీట వేస్తున్న తెరాస పార్టీని స్థానిక ఎన్నికల్లో గెలిపించాల్సిందిగా ఎమ్మెల్యే కోరారు.
ఎన్నికల కోడ్‌ వల్లే అవి ఆలస్యం: పద్మా
ఇవీ చూడండి: తెలుగు రాష్ట్రాలపై హ్యాకర్ల పంజా
