'అవసరమైతే ధాన్యాన్ని రైతు వేదికల్లో భద్రపరచండి'

రానున్న మూడురోజులు వర్షాలు పడే అవకాశం ఉండటంతో మెదక్​ జిల్లా కలెక్టర్ హరీష్​ అప్రమత్తమయ్యారు. వానలకు వరి ధాన్యం​ పాడవకుండా అధికారులకు పలు సూచనలు చేశారు.

రాగల మూడు రోజులు వర్షాలు పడే సూచనలు ఉన్నందున వర్షానికి ధాన్యం కొట్టుకుపోకుండా, పాడవకుండా ముందస్తు జాగ్రత్తలు తీసుకోవాల్సిందిగా మెదక్​ కలెక్టర్ హరీష్.. అధికారులకు సూచించారు. కొనుగోలు కేంద్రాల్లో ధాన్యం తడవకుండా టార్పాలిన్లు అందించడంతోపాటు, అవసరమైతే సమీప రైతు వేదికల్లో ధాన్యాన్ని భద్రపరచవలసిందిగా ఆయన పేర్కొన్నారు. ఇందుకు సంబంధించి వ్యవసాయ శాఖ ప్రిన్సిపల్ సెక్రెటరీ అనుమతి ఇచ్చారని తెలిపారు.

ఇదీ చదవండి: తౌక్టే ఎఫెక్ట్.. రాష్ట్రంలో జోరుగా వర్షాలు