మెదక్లో నిర్వహించిన పార్లమెంట్ సన్నాహక సభలో ఆసక్తికర సన్నివేశం చోటుచేసుకుంది. హరీష్ వేదికపై ఉండగా కేటీఆర్ ఓ సవాల్ విసిరారు. తమకు కాంగ్రెస్, భాజపాలతో పోటీ లేదని..తమ పార్టీలోని నేతలతోనేనని బావ వంక చూస్తూ బామ్మార్ది బాంబు పేల్చారు. ఈ షాక్ నుంచి తేరుకునేలోపే మరో ట్విస్ట్ ఇచ్చారు కేటీఆర్. వాళ్లూ వీళ్లూ కాదు ఏకంగా కేసీఆర్కే సవాల్ విసిరారు.
కేసీఆర్కి కేటీఆర్ సవాల్
కేసీఆర్కి కేటీఆర్ సవాల్ చేయమేంటని షాక్ అవుతున్నారా..! బావను చూస్తూ బామ్మార్ది పేల్చిన బాంబేంటని ఆలోచిస్తున్నారా..!. అసలు విషయానికొస్తే..పార్లమెంట్ సన్నాహక సభల్లో భాగంగా మెదక్ జిల్లాలో సమావేశం ఏర్పాటు చేశారు. వేదికపై హరీష్రావుతోపాటు మెదక్ జిల్లా నేతలంతా ఉన్నారు. కేటీఆర్ మాట్లాడుతూ ఈసారి పార్లమెంట్ ఎన్నికల్లో కాంగ్రెస్, భాజపాలతో పోటీ కాదని, మెజార్టీ విషయంలో తమ పార్టీలో నేతలే ఒకరికొకరు పోటీ పడాలని పిలుపునిచ్చారు. వేదికపై ఉన్న హరీష్రావును చూస్తూ ఛాలెంజ్ చేశారు. సీఎం ప్రాతినిధ్యం వహిస్తున్న మెదక్ జిల్లాకూ.. తాను గెలిచిన కరీంనగర్ జిల్లాకే పోటీ అన్నారు. తమ కన్నా ఎక్కువ మెజార్టీ తెచ్చుకోవాలని తన తండ్రి కేసీఆర్కే సవాల్ చేశారు.
గులాబీ నేతల నవ్వులు
కేటీఆర్ విసిరిన సవాల్తో వేదికపైన ఉన్న నేతలంతా నవ్వుల్లో మునిగిపోయారు. హరీష్ రావు చప్పట్లతో స్వాగతించగా..మాజీ డిప్యూటీ స్పీకర్ పద్మాదేవెందర్రెడ్డి విజయకేతనం చూపిస్తూ అందరిని ఆకట్టుకున్నారు.
