జిల్లాలో కొద్దిపాటి వర్షానికి అక్కడక్కడా కొంతమంది రైతులు మొక్కజొన్న, పత్తి వేశారు. ఆ పంటల్లో కలుపు తీయడానికి కూలీలు రాక రైతులు చాలా అవస్థలు పడుతున్నారు. మెదక్ జిల్లా కొల్చారం మండలం నాయిని జలాల్ పూర్ గ్రామానికి చెందిన రైతు శంకర్ వినూత్నంగా ఆలోచించాడు. కూలీల సమస్యను అధిగమించేందుకు వినూత్నంగా ఈ అన్నదాత సైకిల్ పరికరాలతో చిన్నపాటి మార్పులు చేసి కలుపుతీత పరికరం తయారుచేశాడు. కౌలుకు తీసుకున్న నాలుగు ఎకరాల పొలంలో పత్తి, మొక్కజొన్న వేశాడు. కలుపు తీయడానికి ప్రస్తుతం దీనిని ఉపయోగిస్తున్నాడు.
వెయ్యి ఖర్చుతో తయారీ...
కలుపు తీయడం సులభంగా ఉందని రైతు శంకర్ తెలిపాడు. ఒక రోజులో ఎకరం పొలంలో కలుపు తీయవచ్చంటున్నాడు. వాస్తవంగా ఈ పరికరం ద్వారా కాకుండా సాధారణంగా కూలీల ద్వారా కలుపు తీస్తే రెండు వేల నుంచి మూడు వేల వరకు ఖర్చయ్యేదని ఆయన తెలిపారు. దీన్ని తయారు చేయడానికి 1000 రూపాయలు ఖర్చు అయిందని వెల్లడించారు.
ఇవీ చూడండి: ఈనెల 14న ఓటర్ల తుది జాబితా
