ప్రభుత్వ కార్యాలయాలకు సొంత భవనాలు ఉన్నప్పటికీ అద్దె భవనాల్లోనే విధులు కొనసాగిస్తున్నారు. మెదక్ జిల్లా కేంద్రంలో లక్షల రూపాయలు ఖర్చుచేసి భవనాలను నిర్మించారు. ప్రస్తుతం అవి వృథాగా ఉంటున్నాయి. పాల శీతలీకరణ కేంద్రం, నీటి పరీక్షల భవనం, ఐసీడీఎస్‌, గ్రామీణ తాగునీటి సరఫరా విభాగం ఏఈ కార్యాలయం భవనాలు ప్రస్తుతం ఖాళీగా దర్శనమిస్తున్నాయి. ఇన్ని ప్రభుత్వం భవనాలు వృథాగా ఉన్నప్పటికీ... ఎస్టీవో కార్యాలయం ఇంకా అద్దె భవనంలోనే కొనసాగుతోంది.
అలా చేస్తే అద్దె తప్పుతుంది...
జిల్లా సబ్ ట్రెజరీ కార్యాలయానికి ఒక భవనం కేటాయిస్తే అద్దె తప్పుతుందని ఉద్యోగులు, ప్రజలు అంటున్నారు. ప్రస్తుతం ఇక్కడ భనాలన్నీ కోతులకు నివాస కేంద్రాలుగా మారాయి. ఇప్పటికైనా అధికారులు స్పందించి ప్రభుత్వ భవనాలను వినియోగంలోకి తీసుకురావాలని పలు కార్యాలయాల ఉద్యోగులు కోరుతున్నారు.
ఇవీ చూడండి : ఉమ్మడి వరంగల్ వ్యాప్తంగా వర్షాలు.. పొంగిపొర్లుతున్న చెరువులు
