'వచ్చే నెల 5 నుంచి నులిపురుగుల నిర్మూలన కార్యక్రమం'

వచ్చే నెల 5 నుంచి 12వ తేదీ వరకు మెదక్​ జిల్లాలో నులిపురుగుల నిర్మూలన కార్యక్రమం నిర్వహించడం జరుగుతుంది డీఎంహెచ్​వో తెలిపారు. ఇందుకోసం కలెక్టరేట్​లో.. జిల్లాలోని వివిధ ప్రాథమిక ఆరోగ్య కేంద్రాల్లో పనిచేసే సూపర్​వైజర్​లకు శిక్షణా కార్యక్రమం నిర్వహించారు.

ప్రతి సంవత్సరం నిర్వహించే జాతీయ నులిపురుగుల నివారణ దినోత్సవాన్ని ఈసారి కొవిడ్ కారణంగా వారం రోజుల పాటు నిర్వహించాలని జిల్లా వైద్య ఆరోగ్య శాఖ నిర్ణయించింది. జాతీయ నులి పురుగుల నిర్మూలన కార్యక్రమంపై మెదక్ కలెక్టరేట్​లో.. జిల్లాలోని వివిధ ప్రాథమిక ఆరోగ్య కేంద్రాల్లో పనిచేసే సూపర్​వైజర్​లకు శిక్షణా కార్యక్రమం నిర్వహించారు. జిల్లాలో వచ్చే నెల 5 నుంచి 12వ తేదీ వరకు నులి పురుగుల నిర్మూలన కార్యక్రమం నిర్వహించడం జరుగుతుందని డీఎంహెచ్​వో తెలిపారు. 19 ఏళ్లలోపు పిల్లలందరికీ కొవిడ్ నిబంధనలు పాటిస్తూ మాత్రల పంపిణీ కార్యక్రమం నిర్వహించాలని తెలియజేశారు.

మెదక్​ జిల్లా కలెక్టరేట్​లో ఆరోగ్య కేంద్రాల్లో పనిచేసే సూపర్​వైజర్​లకు శిక్షణా కార్యక్రమం

జిల్లాలోని అన్ని ప్రాథమిక ఆరోగ్య కేంద్రాలకు 90 శాతం వరకు మాత్రల పంపిణీ పూర్తి చేశామన్నారు. మిగతా ప్రాథమిక ఆరోగ్య కేంద్రాలకు ఒకటి రెండు రోజుల్లో అందజేయడం జరుగుతుందన్నారు. మందుల గురించి ఎవరు ఆందోళన చెందాల్సిన అవసరం లేదన్నారు.

నులిపురుగుల నిర్మూలన కార్యక్రమం

మెదక్​ జిల్లా కలెక్టరేట్​లో ఆరోగ్య కేంద్రాల్లో పనిచేసే సూపర్​వైజర్​లకు శిక్షణా కార్యక్రమం

ఇవీ చూడండి: అప్రమత్తంగా ఉండండి: కలెక్టర్లకు సీఎస్​ ఆదేశం