పేదలకు నిత్యవసరాలు పంపిణీ చేసిన ఎమ్మెల్యే పద్మాదేవేందర్​రెడ్డి

నిరుపేద హమాలీలకు, పారిశుద్ధ్య కార్మికులకు నిత్యావసరాలను మెదక్​ జిల్లా నిజాంపేటలో ఎమ్మెల్యే పద్మాదేవేందర్​రెడ్డి పంపిణీ చేశారు. కరోనావైరస్​ సోకకుండా ప్రజలు తగిన జాగ్రత్తలు పాటించాలని ఆమె ప్రజలకు విజ్ఞప్తి చేశారు.

మెదక్ జిల్లా నిజాంపేట మండల కేంద్రంలో 104 మంది హమాలీ, ఆటో, పారిశుద్ధ్య కార్మికులకు నిత్యావసర సరుకులు మెదక్ ఎమ్మెల్యే పద్మాదేవేందర్​రెడ్డి పంపిణీ చేశారు. బయటకు వెళ్లినప్పుడు ప్రతి ఒక్కరూ భౌతికదూరం పాటించి వైరస్ రాకుండా ముందు జాగ్రత్తలు పాటించాలని ఆమె అన్నారు.

మాస్కులు ధరించాలని, చేతులు శుభ్రం చేసుకోవాలని.. శానిటైజర్ వాడాలని ఎమ్మెల్యే తెలిపారు.

అనంతరం నార్లపూర్, పాపన్నపేట మండలం కొత్తపల్లి సహకార సంఘం ఆధ్వర్యంలో ఏర్పాటు చేసిన ధాన్యం కొనుగోలు కేంద్రాలను ఆమె ప్రారంభించారు.

ఇదీ చదవండి: కడుపున బిడ్డను మోస్తూ.. 142కి.మీ కాలినడక