'మెదక్​ మున్సిపాలిటీలో కాంగ్రెస్ జెండా ఎగరవేస్తాం'

మెదక్​ మున్సిపాలిటీ కైవసం చేసుకుంటామని డీసీసీ అధ్యక్షుడు కంఠారెడ్డి తిరుపతి రెడ్డి అన్నారు. ప్రభుత్వ వైఫల్యాలను ప్రజల్లోకి తీసుకెళ్తామన్నారు. తెరాసకి ఓటు అడిగే నైతిక హక్కు లేదని ఎద్దేవా చేశారు. వివిధ పార్టీల కార్యకర్తలు కాంగ్రెస్​లో చేరారు.

తెరాస వైఫల్యాలే మున్సిపల్​ ఎన్నికల్లో తమ బ్రహ్మాస్త్రాలని మెదక్​ డీసీసీ అధ్యక్షుడు కంఠారెడ్డి తిరుపతి రెడ్డి అన్నారు. ప్రభుత్వ ప్రజా వ్యతిరేక విధానాలపై విస్తృతంగా ప్రచారం చేసి మెదక్ మున్సిపాలిటీని కైవసం చేసుకుంటామన్నారు. జిల్లా కేంద్రంలో నిర్వహించిన సమావేశంలో కార్యకర్తలకు దిశానిర్దేశం చేశారు. తెదేపా జిల్లా అధ్యక్షుడు అఫ్జల్ తన అనుచరులతో కాంగ్రెస్​లో చేరారు. ఈ కార్యక్రమంలో జిల్లా మున్సిపల్​ ఎన్నికల ఇన్​ఛార్జి నగేష్​, టీపీసీసీ కార్యదర్శులు బాలకృష్ణ, శ్రీనివాస్, మాజీ మార్కెట్ కమిటీ ఛైర్మన్​ మేడి మధుసూదన్​రావు, కార్యకర్తలు పాల్గొన్నారు.