'పట్టణాభివృద్ధి కోసం భాజపాను గెలిపించాలి'

మెదక్‌ పట్టణంలో భాజపా రాష్ట్ర అధికార ప్రతినిధి ఎన్నికల ప్రచారం నిర్వహించారు. 23 స్థానాల్లో పోటీ చేస్తున్నట్లు స్పష్టం చేశారు. భాజపాను గెలిపిస్తే కేంద్రం నుంచి నిధులు తీసుకొచ్చి పట్టణాన్ని అభివృద్ధి చేస్తామన్నారు.

ప్రజాసమస్యలపై పోరాడే శక్తి కేవలం భారతీయ జనతా పార్టీకే ఉందని... ఆ పార్టీ రాష్ట్ర అధికార ప్రతినిధి శ్రీధర్ రెడ్డి అన్నారు. మెదక్ మున్సిపల్ ఎన్నికల ప్రచారంలో పాల్గొన్నారు. పట్టణంలోని 32 వార్డులకు గానూ... 23 స్థానాల్లో పోటీ చేస్తున్నట్లు ఆయన తెలిపారు. మెదక్‌పై తెరాస సవతి తల్లి ప్రేమ చూపిస్తోందని విమర్శించారు.

సిద్దిపేట, గజ్వేల్, సిరిసిల్లలో తప్ప మెదక్‌లో అభివృద్ధి చేయలేదన్నారు. భాజపాను గెలిపిస్తే... అమృత్ నగరాల జాబితాలో చేర్చి కేంద్ర ప్రభుత్వ నిధులతో అభివృద్ధి చేస్తామన్నారు. కార్యక్రమంలో భాజపా జిల్లా అధ్యక్షుడు రామ్‌ చరణ్‌ యాదవ్, పట్టణ అధ్యక్షుడు గుండు మల్లేశం పాల్గొన్నారు.

ఇదీ చూడండి: తెరాస బీ ఫారం దక్కలేదని అభ్యర్థి ఆత్మహత్యాయత్నం