'ఉద్యమకారులకు, జర్నలిస్టులకు గుర్తింపు కార్డులివ్వాలి'

ప్రత్యేక రాష్ట్ర ఉద్యమ సమయంలో చెప్పిన మాటలను సీఎం కేసీఆర్​ అమలు చేయడం లేదని భాజపా నాయకుడు స్వామి గౌడ్​ ఆరోపించారు. ఇప్పటికైనా ప్రభుత్వం బాధ్యతగా వ్యవహరించాలని కోరారు.

తెలంగాణ ఉద్యమ సమయంలో ఇచ్చిన హామీలను అధికారంలోకి వచ్చాక రాష్ట్ర ప్రభుత్వం విస్మరించిందని శాసనమండలి మాజీ ఛైర్మన్‌ స్వామిగౌడ్‌ ఆరోపించారు. మెదక్‌ జిల్లా నర్సాపూర్‌ పట్టణానికి చెందిన భాజపా నాయకుడు రమేష్​ గౌడ్‌ ఇంట్లో శుభకార్యానికి స్వామిగౌడ్​ హాజరయ్యారు. ఈ మేరకు ప్రభుత్వంపై విమర్శలు గుప్పించారు.

అధికారంలోకి రాగానే కళాకారులకు, ఉద్యమకారులకు, సీనియర్‌ జర్నలిస్టులకు ప్రత్యేకంగా గుర్తింపుకార్డులు ఇవ్వాలని తాను కోరినట్లు స్వామి గౌడ్​ గుర్తు చేశారు. ఇప్పటికైనా ప్రభుత్వం గుర్తించి హామీలను అమలు పరచాలని కోరారు.

ఇదీ చదవండి: తగ్గిన ఆర్టీసీ సర్వీసులు.. ప్రయాణికుల అవస్థలు