మెదక్ జిల్లా నర్సాపూర్ మండలం రుస్తుపేట గ్రామానికి చెందిన పంబళ్ల శేఖర్ జంతు ప్రేమికుడు. తనకు చేతనైనంతలో మూగజీవాలకు సాయం చేసే మంచి మనసున్న వ్యక్తి. బుజ్జి బుజ్జి రెక్కలతో ఆకాశానికి ఎగిరే పక్షులంటే శేఖర్ మరింత మక్కువ ఎక్కువ. వేసవి మొదలైందంటే చాలు.. పక్షుల కోసం గిన్నెల్లో నీళ్లు పోసి.. వాటికి అందుబాటులో ఉంచుతారు. తినడానికి గింజలు వేస్తుంటారు.
మూడేళ్ల క్రితం విశ్వమాత గోశాల ఏర్పాటు చేశారు. మూగజీవాలను బంధించి ఉంచకూడదని, వాటికి స్వేచ్ఛ అవసరమని చెబుతున్నారు. పక్షులకు, ఇతర వన్యప్రాణులకు సేవచేయడంలో ఉన్న సంతృప్తి మరి దేంట్లో ఉండదని అంటున్నారు. మూగజీవాల కోసం డబ్బు వృథా చేస్తుంటారని.. తనను పిచ్చివాడని అన్నా.. ఏనాడు వెనుకంజ వేయలేదని తెలిపారు.
- ఇదీ చూడండి : ఔరా: యోగాతో 'పక్షి రాజు' తిరుగులేని సందేశం
