ఇంటర్ తప్పానని విద్యార్థి బలవన్మరణం

ఇంటర్ పరీక్షల్లో తప్పాననే వేదనతో ఓ విద్యార్థి బలవన్మరణానికి పాల్పడిన సంఘటన మంచిర్యాల జిల్లాలో చోటు చేసుకుంది. ఈసారి కూడా ఉత్తీర్ణత సాధించలేదని మనస్థాపానికి గురై చెట్టుకు ఉరేసుకుని ఆత్మహత్య చేసుకున్నాడు.

మంచిర్యాల జిల్లా భీమారం మండలం ఎల్బీపేట గ్రామంలో ఇంటర్‌ విద్యార్థి శ్రీకాంత్‌ ఆత్మహత్యకు పాల్పడ్డాడు. 2016 సంవత్సరం నుంచి పరీక్షలు రాస్తున్న శ్రీకాంత్‌ ఈ ఏడాది కూడా ఉత్తీర్ణత సాధించకపోవడం పట్ల మనస్థాపానికి గురయ్యాడు. గ్రామ సమీపంలో చెట్టుకు ఉరేసుకుని ఆత్మహత్య చేసుకున్నాడు. కేసు నమోదు చేసుకున్న పోలీసులు దర్యాప్తు సాగిస్తున్నారు.

ఇవీ చూడండి: 'బాధిత కుటుంబాలను ప్రభుత్వం ఆదుకోవాలి'