కొవిడ్ కష్టకాలంలో ప్రతి ఒక్కరూ తమ వంతు సాయం చేయాలని మాజీ మంత్రి గడ్డం వినోద్ అన్నారు. మంచిర్యాల జిల్లా బెల్లంపల్లిలోని కొవిడ్ ఆస్పత్రికి 30 ఆక్సిజన్ సిలిండర్లు అందించారు. రెండు అంబులెన్సులను కొవిడ్ రోగుల కోసం ఆస్పత్రికి అప్పగించారు.
అంతకుముందు కాంగ్రెస్ పార్టీ కార్యాలయంలో జరిగిన కార్యక్రమంలో తెలంగాణ ఆవిర్భావ దినోత్సవ సందర్భంగా జాతీయ జెండాను ఆవిష్కరించారు. సోనియాగాంధీ వల్లనే తెలంగాణ కల సాకారం అయిందని మాజీ మంత్రి అన్నారు. సీఎం కేసీఆర్కు తెలంగాణ విషయంలో తన తండ్రి వెంకట స్వామి సంపూర్ణ సహకారం అందించారని గుర్తుచేశారు. కార్యక్రమంలో మాజీ ఎమ్మెల్యే శ్రీదేవి, టీపీసీసీ రాష్ట్ర కార్యదర్శి ఎన్.సూరిబాబు, మార్కెట్ కమిటీ మాజీ ఛైర్మన్ కారుకూరి రామచందర్ పాల్గొన్నారు.
ఇదీ చూడండి: Harish rao: అమరవీరులకు మంత్రి హరీశ్‌ రావు నివాళులు
