పేదల ఇళ్లపట్టాలకు కేటాయించిన భూమిని తెరాస నాయకులు కబ్జా చేస్తున్నారంటూ భాజపా శ్రేణులు భారీ ఎత్తున ధర్నా నిర్వహించారు. మంచిర్యాల జిల్లా నస్పూర్ పురపాలికలో ప్రభుత్వ భూములను ప్లాట్లుగా మార్చి అమ్ముకుంటున్నారని భాజపా జిల్లా అధ్యక్షుడు రఘునాథ్రావు ఆధ్వర్యంలో రహదారిపై ఆందోళన చేపట్టారు. సమాచారం అందుకున్న పోలీసులు నిరసనకారులను అదుపులోకి తీసుకున్నారు.
పురపాలిక పరిధిలోని ప్రభుత్వ భూములను కాంగ్రెస్ ప్రభుత్వం పేదలకు పట్టాలు ఇస్తే... తెరాస నాయకులు వాటిని ఆక్రమించుకున్నారని ఆరోపించారు. స్థానిక ఎమ్మెల్యే అండతో ప్రభుత్వ స్థలాలను అమ్ముకుంటున్నారని విమర్శించారు. పేద ప్రజలకు వారి భూములు అందించాలని, లేనిపక్షంలో పెద్దఎత్తున నిరసన కార్యక్రమాలు చేపడుతామని రఘునాథ్రావు హెచ్చరించారు.
