'పదేళ్లలో పాలమూరు పరిపూర్ణ ప్రగతి సాధిస్తుంది'

తెలంగాణ వస్తే ఏమొస్తుందని ప్రశ్నించిన వాళ్లకు నేడు పాలమూరు జిల్లా సహా రాష్ట్రంలో జరుగుతున్న అభివృద్ధే  ఓ సమాధానమని ఆబ్కారీ శాఖ మంత్రి శ్రీనివాస్ గౌడ్ అన్నారు.

పాలమూరు జిల్లా యువతకు ఉపాధి అవకాశాలే లక్ష్యంగా మహబూబ్​నగర్​లో ఐటీ టవర్ ​ ఏర్పాటు చేస్తున్నామని ఆబ్కారీ శాఖ మంత్రి శ్రీనివాస్​గౌడ్​ అన్నారు. ఐటీ పారిశ్రామిక క్లస్టర్, ఐటీ టవర్ నిర్మాణాలకు భూమి పూజ చేశారు. రాష్ట్రంలో రెండో అతిపెద్ద ఐటీ టవర్​ను రూ.50కోట్ల వ్యయంతో 4 ఎకరాల విస్తీర్ణంలో నిర్మిస్తున్నట్లు తెలిపారు. వలసల జిల్లా పాలమూరు ముఖ చిత్రాన్ని మార్చడమే అంతిమ లక్ష్యమన్నారు. పదేళ్లలో పాలమూరు జిల్లా పరిపూర్ణంగా ప్రగతి సాధించాలనే రాత్రింబవళ్ళు కష్టపడుతున్నామని చెప్పారు. సంవత్సరంలోపే టవర్ నిర్మాణాన్ని పూర్తి చేస్తామని ధీమా వ్యక్తం చేశారు.

• ఇదీ చూడండి : సీపీఐ నేత కూనంనేని సాంబశివరావు దీక్ష విరమణ