"మీరు వివరించండి.. వాళ్లు గెలిపిస్తారు"

కేసీఆర్​ ప్రభుత్వం చేపట్టిన పథకాలను ప్రతి గడపకు చేరిస్తే తెరాస అభ్యర్థుల విజయం ఖాయమవుతుందని వ్యవసాయ శాఖ మంత్రి నిరంజన్​రెడ్డి అభిప్రాయపడ్డారు. స్థానిక సంస్థల ఎన్నికల్లో గులాబీ సేనను గెలిపించాలని విజ్ఞప్తి చేశారు.

ప్రాదేశిక ఎన్నికల్లో అందరూ జిల్లాలోని తెరాస అభ్యర్థులను గెలిపించాలని మంత్రి నిరంజన్​ రెడ్డి కోరారు. మహబూబ్​నగర్​ జిల్లా పెద్దమందడిలో ఏర్పాటు చేసిన తెరాస విస్తృతస్థాయి కార్యకర్తల సమావేశంలో పాల్గొన్నారు. రైతు బీమా, రైతు బంధు వంటి పథకాలను ప్రజలకు వివరించమని అభ్యర్థులకు సూచించారు. జిల్లాలో గులాబీ జెండా ఎగరడం ఖాయమని ధీమా వ్యక్తం చేశారు.

ఇదీ చూడండి : ఆ తల్లి మాటలకు నా గుండె తరుక్కుపోయింది