మహబూబ్నగర్ జిల్లా పరిధిలో వాగులు పొంగి పొర్లుతూ.. రోడ్లపైకి భారీగా వరద నీరు ప్రవహిస్తున్నాయి. వాగులు ఉద్ధృతంగా ప్రవహించడం వల్ల పలు గ్రామాల మధ్య రాకపోకలు స్తంభించిపోయాయి. హన్వాడ మండలం గొండ్యాల వాగు దాటేందుకు ప్రయత్నించిన కుర్వ రాములు అనే వ్యక్తి గల్లంతయ్యాడు.
రాములును కాపాడేందుకు అధికారులు చర్యలు చేపట్టారు. ఘటన స్థలానికి వెళ్లిన మంత్రి శ్రీనివాస్ గౌడ్ ఎన్డీఆర్ఎఫ్ సిబ్బందిని రంగంలోకి దించారు. వర్షాభావ పరిస్థితులను దృష్టిలో పెట్టుకొని పొంగిపొర్లుతున్న వాగుల వద్దకు ఎవరూ వెళ్లకుండా ఏర్పాట్లు చేయాలని అదనపు కలెక్టర్ తేజస్ నందలాల్ పవార్ను, పోలీసు శాఖ అధికారులను ఆదేశించారు. ఉద్ధృతంగా ప్రవహిస్తున్న వాగులు దాటేందుకు ప్రయత్నించవద్దని ప్రజలకు సూచించారు.
ఇదీ చూడండి లక్షలాది మందికి గమ్యస్థానంగా హైదరాబాద్: కేటీఆర్
