'సేవ్ ​ఆర్టీసీ పేరుతో ప్రత్యేక నిధిని ఏర్పాటు చేయాలి'

"సేవ్ ఆర్టీసీ" పేరుతో ప్రత్యేక నిధిని ఏర్పాటు చేయాలని... తద్వారా ఆర్టీసీ కార్మికులు ఆర్థిక సాయం పొందాలని మాజీ ఎంపీ, భాజపా నేత జితేందర్ రెడ్డి అన్నారు. మహబూబ్​నగర్ జిల్లా కేంద్రంలో ఆర్టీసీ కార్మికులు చేపట్టిన నిరవదిక దీక్షకు మద్దతు తెలిపారు.

నిరవధిక దీక్షలు చేస్తున్న ఆర్టీసీ కార్మికులకు రెండు నెలలుగా జీతాలు లేక ఇబ్బందులు పడుతున్నారని మాజీ ఎంపీ జితేందర్​ రెడ్డి ఆవేదన వ్యక్తం చేశారు. 'సేవ్ ఆర్టీసీ' పేరుతో ప్రత్యేక నిధిని ఏర్పాటు చేసుకుని... తద్వారా ఆర్థిక సాయం పొందుతూ నిరవధిక దీక్ష కొనసాగించాలని అభిప్రాయపడ్డారు.

మహబూబ్​నగర్​లో ఆర్టీసీ కార్మికులు చేస్తున్న సమ్మెకు మద్దతు తెలిపారు. ప్రతి ఒక్కరు కనీసం వంద రూపాయలు ఇచ్చే విధంగ కోరడమే కాకుండా... వారి మద్దతును కూడగట్టుకోవాలని సూచించారు. మహబూబ్​నగర్ డిపో పరిధిలోని ఆర్టీసీ కార్మికులకు బియ్యం పంపిణీ చేయాల్సిందిగా ఐకాస నేతలకు రూ.లక్ష విరాళం అందించారు. మరోవైపు ఆర్టీసీ కార్మికులు చేపట్టిన దీక్షలు 41 రోజులకు చేరుకోగా... కార్మికులు భిక్షాటన చేసి నిరసన తెలిపారు.

ఇదీ చూడండి: 'పేదల సొంతింటి కల నెరవేర్చడమే.. ప్రభుత్వ లక్ష్యం'