నోటీసు ఇవ్వకుండా ఎలా సస్పెండ్​ చేస్తారు: డోకూరి

మహబూబ్​నగర్ జిల్లా దేవరకద్ర నియోజకవర్గం కాంగ్రెస్ పార్టీ ఇన్​ఛార్జి, టీపీసీసీ సభ్యుడు డోకూరి పవన్ కుమార్​ రెడ్డిపై  కాంగ్రెస్ పార్టీ సస్పెన్షన్ వేటు వేసింది. తనకు ఎలాంటి నోటీసు ఇవ్వకుండానే పార్టీలోని కొందరు నాయకులు కావాలనే  తనను సస్పెండ్​ చేయించారని ఆయన ఆరోపించారు.

ప్రస్తుతం కాంగ్రెస్ పార్టీ కొంతమంది స్వార్థపరుల చేతిలో కొట్టుమిట్టాడుతోందని మహబూబ్​నగర్​ జిల్లా దేవరకద్ర కాంగ్రెస్​ పార్టీ ఇన్​ఛార్జి డోకూరి పవన్​కుమార్​రెడ్డి ఆరోపించారు. డీకే అరుణ వర్గీయులను పార్టీలో ఉంచకూడదనే ఉద్దేశంతోనే తనను సస్పెండ్​ చేశారని ఆవేదన వ్యక్తం చేశారు. కనీసం నోటీసు కూడా ఇవ్వకుండా సస్పెన్షన్ నిర్ణయాన్ని తీసుకొని నేరుగా పత్రికా ప్రకటన విడుదల చేయడం బాధాకరమన్నారు.

ఇదీ చదవండి:హైదరాబాద్​ను రెండవ రాజధాని చెయ్యాలి: రేవంత్