ఓ ఇంద్రజాలికుడు కళ్లకు గంతలు కట్టుకుని ట్రాఫిక్ నిబంధనలను పాటిస్తూ ద్విచక్రవాహనం నడిపాడు. మహబూబ్నగర్ పట్టణ ట్రాఫిక్ పోలీస్ స్టేషన్ నుంచి అంబేడ్కర్ చౌరస్తా మీదుగా తిరిగి పట్టణ పోలీసు స్టేషన్ వరకూ కళ్లకు గంతలు కట్టుకునే బండి నడిపారు మెజిషియన్ యాసాని వెంకటేశ్వర్లు.
పోలీసు అమర వీరుల సంస్మరణ వారోత్సవాలను పురస్కరించుకుని ఈ విన్యాసాన్ని ప్రదర్శించారు. జిల్లా ఎస్పీ రెమారాజేశ్వరి ఈ సందర్భంగా వెంకటేశ్వర్లు చేసిన ఇంద్రజాల ప్రదర్శనను అభినందించారు. చేతులకు వేసిన బేడీలను విడిపించుకోవడం, మ్యాజిక్ బాక్స్లోంచి జాతీయ జెండాను తీయడం లాంటి ఇంద్రజాల ప్రదర్శనలు ఆకట్టుకున్నాయి. దేశ, విదేశాల్లో సుమారు 6వేలకు పైగా ఇంద్రజాల ప్రదర్శనలిచ్చిన వెంకటేశ్వర్లు.. పోలీసుల అమరవీరుల త్యాగాలను స్మరిస్తూ ప్రదర్శన ఇచ్చారు.
ఇవీ చూడండి: ఐదు పైసలకే.. ఒకటిన్నర ప్లేట్ చికెన్ బిర్యానీ!
