విద్యుదాఘాతంతో రైతు కూలీ మృతి

విద్యుదాఘాతంతో రైతు కూలీ మృతి చెందిన ఘటన మహబూబాబాద్ జిల్లాలో చోటు చేసుకుంది. పశువులను కడుగుతున్న సమయంలో విద్యుదాఘాతంతో అక్కడికక్కడే మృతి చెందాడు.

మహబూబాబాద్ జిల్లా దంతాలపల్లి మండలం బొడ్లడ గ్రామానికి చెందిన మేకల కొమరయ్య(38)అనే వ్యక్తి అదే గ్రామానికి చెందిన ఓ రైతుకు వ్యవసాయ కూలీగా వెళ్లాడు. వరి వేసేందుకు దుక్కి దున్నడం పూర్తయ్యాక పశువులను కడిగేందుకు మరో రైతుకు చెందిన వ్యవసాయ బోరు బావి వద్దకు వెళ్లాడు. పశువులను కడుగుతున్న సమయంలో విద్యుత్ మోటార్ పైపు పట్టుకున్నాడు. ఈ క్రమంలో విద్యుదాఘాతం సంభవించి అక్కడికక్కడే మృతి చెందినట్లు కుటుంబ సభ్యులు పేర్కొన్నారు.

ఇదీ చూడండి : పాములు పాలు తాగవు అవి మాంసాహారులే