త్వరలోనే జిల్లా వాసుల కల నెరవేరబోతోంది: ఎంపీ మాలోత్​ కవిత

రాష్ట్రానికి కేంద్రప్రభుత్వం మంజూరు చేసిన ఐదు రహదారుల్లో ఎన్​.హెచ్​ 30 వల్ల మహబూబాబాద్ జిల్లా ప్రజల కల నెరవేరబోతోందని ఎంపీ మాలోత్​ కవిత అన్నారు. ఈ సందర్భంగా అనారోగ్యంతో బాధపడుతున్న కొందరికి జిల్లా కేంద్రంలోని తన క్యాంపు కార్యాలయంలో సీఎం సహాయనిధి చెక్కులను పంపిణీ చేశారు.

ఎంతో కాలంగా ఎదురు చూస్తున్న మహబూబాబాద్ ప్రాంత ప్రజల కల త్వరలోనే నెరవేరబోతోందని ఎంపీ మాలోత్​ కవిత అన్నారు. సీఎం కేసీఆర్ కృషి ఫలితంగా రాష్ట్రంలో నూతనంగా నిర్మిస్తున్న ఐదు జాతీయ రహదారుల్లో ఎన్​.హెచ్ 30 జిల్లాలోని​ పలు ప్రాంతాలగుండా భద్రాద్రి కొత్తగూడెం జిల్లా భద్రాచలం వరకు ఏర్పాటుకానుందని పేర్కొన్నారు. ఈ సందర్భంగా అనారోగ్యంతో బాధపడుతున్న కొందరికి తన క్యాంపు కార్యాలయంలో సీఎం సహాయనిధి చెక్కులను ఆమె పంపిణీ చేశారు.

మహబూబాబాద్ జిల్లా నుంచి భద్రాద్రి కొత్తగూడెం జిల్లా భద్రాచలం వరకు రూ. 2 వేల కోట్లతో 234 కి.మీల మేర నిర్మించబోయే రహదారి మహబూబాబాద్ పార్లమెంట్ స్థానం పరిధిలోని 80 శాతం మందికి ఉపయోగపడుతుందని ఎంపీ కవిత తెలిపారు. ఈ రహదారి నిర్మాణపనులను త్వరలోనే ప్రారంభిస్తామని పేర్కొన్నారు. ఈ రోడ్డును మంజూరు చేసినందుకు కేంద్ర ప్రభుత్వానికి, సీఎం కేసీఆర్​కు ఆమె కృతజ్ఞతలు తెలిపారు.

ఇదీ చదవండి: 'జానారెడ్డి గెలుపుతో రాష్ట్ర రాజకీయాల్లో పెనుమార్పులు'