Accident minister Sathyavathi Convoy: గిరిజన సంక్షేమ శాఖ మంత్రి సత్యవతి రాఠోడ్‌ కాన్వాయ్‌లోని రెండు వాహనాలు ఢీకొన్నాయి. ఈ ఘటన మహబూబాబాద్ జిల్లా మరిపెడలో చోటుచేసుకుంది. మంత్రి సత్యవతి రాథోడ్ హైదరాబాద్ నుంచి మహబూబాబాద్ వెళ్తున్నారు. ఈ క్రమంలో కార్గిల్ సెంటర్ సమీపంలోకి రాగానే కాన్వాయ్కు పంది అడ్డు రావటంతో డ్రైవర్‌ సడెన్ బ్రేక్ వేశాడు. దీంతో వెనక వస్తున్న మరో వాహనం వేగంగా ఢీకొన్నట్లు సమాచారం.
ఈ ప్రమాదంలో మంత్రి గన్మెన్లకు స్వల్ప గాయాలు కాగా.. మంత్రి సత్యవతి సురక్షితంగా మహబూబాబాద్‌కు చేరుకున్నారు. స్థానిక పోలీసులు హుటాహుటిన ఘటనాస్థలికి చేరుకొని వాహనాలను అక్కడినుంచి తరలించారు.
ఇవీ చదవండి: 'ఆదిలాబాద్కు భారీగా ఆయుధాలు.. పాక్ కుట్ర భగ్నం.. నలుగురు అరెస్ట్'
'రాహుల్ జీ.. వైట్ ఛాలెంజ్కు రెడీనా..?'.. కలకలం రేపుతున్న ఫ్లెక్సీలు
