మహబూబాబాద్ జిల్లా డోర్నకల్‌ మండలం ములకలపల్లి, దంతాలపల్లి మండలం పెద్దముప్పారం గ్రామాల్లో ఈదురు గాలుల బీభత్సం సృష్టించాయి. సాయంత్రం ఒక్కసారిగా ఉరుములు, మెరుపులు, ఈదురుగాలులతో కూడిన వర్షం కురిసింది. దీనివల్ల ములకలపల్లిలోని ఓ తాటిచెట్టుపై పిగుడు పడింది. ఈ ఘటనలో ఎలాంటి నష్టం వాటిల్లకపోవటం వల్ల గ్రామస్థులు ఊపిరి పీల్చుకున్నారు.
పెద్దముప్పారంలో భారీ ఈదురు గాలులతో 100 కేవీ విద్యుత్తు ట్రాన్స్పార్మర్ కాలిపోయింది. మరో 10 విద్యుత్తు స్తంభాలు కూలిపోయినట్లు విద్యుత్తు శాఖ అధికారులు తెలిపారు. ఈ ఘటనలో రూ.1 లక్ష నష్టం వాటిల్లినట్లు ఏఈ విద్యాసాగర్‌ తెలిపారు.
