యువకుడిపై గుర్తు తెలియని వ్యక్తుల దాడి

ఓ యువకుడిపై గుర్తు తెలియని వ్యక్తులు దాడి చేసి కాళ్లు చేతులు కట్టేసిన దారుణ ఘటన కుమురంభీం జిల్లా కాగజ్​నగర్​లో చోటుచేసుకుంది. పోలీసులు కేసు నమోదు చేసుకుని దర్యాప్తు చేస్తున్నారు.

కుమురంభీం ఆసిఫాబాద్​ జిల్లా కాగజ్​నగర్ పట్టణానికి చెందిన యువకుడిపై గుర్తుతెలియని వ్యక్తులు దాడి చేసి కాళ్లు చేతులు కట్టిపడేశారు. పట్టణంలోని చెక్​పోస్ట్ వద్ద కాళ్లు, చేతులు కట్టేసి అపస్మారక స్థితిలో ఉన్న యువకుడిని చూసిన స్థానికులు పోలీసులకు సమాచారం అందించారు. ఘటనాస్థలికి చేరుకున్న పోలీసులు యువకుడిని ఆసుపత్రికి తరలించి చికిత్స అందించారు. బాధితుడు కాగజ్​నగర్ పట్టణం సి.బాపు కాలనీకి చెందినవాడిగా గుర్తించారు. ఈ మేరకు పోలీసులు కేసు నమోదు చేసుకుని విచారణ చేపట్టారు.

ఇవీ చూడండి: హైదరాబాద్​లో ఎస్​బీఐ క్రెడిట్​ కార్డుల పేరిట మోసం..