అంతర్జాల సాంకేతికపై అంగన్​వాడీలకు శిక్షణ

అంగన్​వాడీ కార్యకర్తలు సాంకేతిక వినియోగంలో రాణిస్తున్నారు. ప్రతీ అంశం అంతర్జాలంలో నమోదు చేసే శిక్షణ కుమురం భీం ఆసిఫాబాద్ జిల్లా కేంద్రంలో నిర్వహించారు. అంతర్జాల వినియోగంతో పని సులువుగా అవడమే కాకుండా వివరాలన్ని అందులో నమోదు చేయగలుతామని అంగన్​వాడీ కార్యకర్తలు సంతోషం వ్యక్తం చేశారు.

కుమురం భీం ఆసిఫాబాద్ జిల్లా కేంద్రంలోని ప్రాజెక్ట్ డైరెక్టర్ కార్యాలయంలో సాంకేతిక పరిజ్ఞానంపై అంగనవాడీలకు అవగాహన కార్యక్రమం నిర్వహించారు. ఆధునిక చరవాణులు, వాటి అప్లికేషన్ వినియోగంపై ఏర్పాటు చేసిన నాలుగో విడత శిక్షణలో ఆసిఫాబాద్ పరిధిలోని అంగన్​వాడీ కార్యకర్తలు పాల్గొన్నారు.

అంగన్​వాడీ కేంద్రాల నిర్వహణ అంతా అంతర్జాలంలోనే సాగుతుందని శిక్షకురాలు చిట్టమ్మ తెలిపారు. నాలుగు రోజులుగా జరుగుతున్న ఈ శిక్షణలో ప్రతీ కార్యకర్త అంతర్జాల వినియోగంపై అవగాహన కలిగి ఉన్నారని పేర్కొన్నారు. పిల్లల పెరుగుదల, బాలామృతం, కోడిగుడ్ల రేషన్ తదితర వివరాల నమోదు తీరుపై వివరించారు.

ఇవీ చూడండి :'ఐపీఎస్​ సాధించి పేదవారికి సాయం చేస్తా'