నిబంధనలు ఉల్లంఘించిన పలు దుకాణాలకు జరిమానా

కుమురం భీం ఆసిఫాబాద్ జిల్లా కాగజ్ నగర్​ పట్టణంలో కరోనా నిబంధనలు ఉల్లంఘించిన పలు దుకాణాలకు అధికారులు జరిమానా విధించారు.

కుమురం భీం ఆసిఫాబాద్ జిల్లా కాగజ్ నగర్ పట్టణంలో కొవిడ్ నిబంధనలకు విరుద్ధంగా నడుపుతున్న పలు దుకాణాలకు జరిమానా విధించారు పురపాలక అధికారులు. లాక్​డౌన్ సమయంలో సాధారణ కార్యకలాపాల నిర్వహణకు ఉదయం 6 గంటల నుంచి 10 గంటల వరకు వెసులుబాటు ఇవ్వగా... అల్పాహార కేంద్రాలు హోటళ్లు నిర్వహిస్తున్నారు.

పట్టణంలోని వెల్ కం అల్పాహార కేంద్రం వద్ద భౌతిక దూరం పాటించకపోవడం వల్ల పురపాలక కమిషనర్ శ్రీనివాస్ 500 రూపాయలు జరిమానా విధించారు. కరోనా వైరస్​ను అరికట్టాలంటే ప్రతి ఒక్కరు సామాజిక దూరం పాటించాలని సూచించారు. నిబంధనలు అతిక్రమిస్తే కఠిన చర్యలు తప్పవని కమిషనర్ శ్రీనివాస్ తెలిపారు.

ఇదీ చదవండి: అనాథలైన అక్కాచెల్లెల్లు... సాయం కోసం కన్నీళ్లతో ఎదురుచూపులు