మరో కొండగట్టుగా ఆసిఫాబాద్​ వీరాంజనేయ ఆలయం

కుమురం భీం ఆసిఫాబాద్ జిల్లా కేంద్రం కేస్లాపూర్​లోని వీరాంజనేయ స్వామి ఆలయంలో హనుమాన్ జయంతి కన్నుల పండుగగా జరిగింది. ఉత్సవాల్లో భక్తులు అధిక సంఖ్యలో పాల్గొన్నారు.

కుమురం భీం ఆసిఫాబాద్ జిల్లా కేంద్రంలో పెద్దవాగు తీరాన ఉన్న కేస్లాపూర్ వీరాంజనేయ స్వామి మరో కొండగట్టు పుణ్యక్షేత్రంగా విరాజిల్లుతుంది. ఇక్కడ కొలువైన వీరాంజనేయుడిని భక్తులకు కొంగు బంగారంగా చెప్పుకుంటారు. మహిమాన్వితమైన ఈ ఆలయం భక్తులచే విశేష ఆదరణ పొందుతోంది. నిత్య పూజలు, ఉత్సావాలతో ఈ క్షేత్రం భక్తి పరిమళాలను వెదజల్లుతోంది. చైత్ర పౌర్ణమి నాటి హనుమాన్ జయంతిని పురస్కరించుకొని 40 రోజులపాటు వందలాది మంది భక్తులు హనుమాన్ దీక్షలు చేపడతారని ఆలయ నిర్వాహకులు తెలిపారు.

ఇవీ చూడండి: కొనసాగుతున్న హనుమాన్​ శోభాయాత్ర