కుమురం భీం జిల్లాలో ప్రశాంతంగా ఓట్ల లెక్కింపు

కుమురం భీం జిల్లాలో ప్రాదేశిక ఎన్నికల ఓట్ల లెక్కింపు ప్రశాంతంగా కొనసాగుతుంది. ఎలాంటి అవాంఛనీయ ఘటనలు జరగకుండా పోలీసులు పటిష్ఠ బందోబస్తును ఏర్పాటు చేశారు.

కుమురం భీం ఆసిఫాబాద్​ జిల్లా కేంద్రంలోని స్థానిక జడ్పీటీసీ, ఎంపీటీసీ ఓట్ల లెక్కింపునకు గిరిజన సంక్షేమ గురుకుల బాలికల పాఠశాలలో ప్రారంభమైంది. ఎలాంటి అవాంఛనీయ ఘటనలు చోటు చేసుకోకుండా పటిష్ఠ బందోబస్తు ఏర్పాటు చేశారు. మొత్తం కుమురంభీం జిల్లాలో 123 ఎంపీటీసీ స్థానాలకు గానూ 454 మంది బరిలో ఉన్నారు. 15 జడ్పీటీసీ స్థానాలకు గానూ 75 మంది పోటీలో ఉన్నారు. జైనూర్​ మండలం నుంచి జడ్పీటీసీ స్థానం ఏకగ్రీవమైంది.