కుమురం భీం ఆసిఫాబాద్ జిల్లాలోని పీహెచ్సీలలో ఆక్సిజన్ వెంటిలేటర్లను ఏర్పాటు చేయాలని జిల్లా పాలనాధికారి సందీప్ కుమార్ ఝా తెలిపారు. కొవిడ్ నివారణ చర్యల్లో భాగంగా కలక్టర్ కార్యాలయంలో వాంకిడి చెక్పోస్ట్ నుంచి వచ్చిన 5 వాహనాలలోని 13 మందిలో ఒకరిని క్వారంటైన్కు తరలించినట్లు పేర్కొన్నారు. వాంకిడి క్వారంటైన్లో 23, గోలేటిలో 29, పోస్ట్ మెట్రిక్ ప్రైమరీ కాగజ్ నగర్లో 9, సింగరేణి ఐసోలేషన్ గోలేటి కేంద్రంలో 17, సాంఘిక సంక్షేమ గురుకుల పాఠశాలలో 46 మందికి కరోనా అనుమానితులు ఉన్నారని వెల్లడించారు.
60 ఏళ్లు దాటిన వృద్ధుల్లో కరోనా లక్షణాలు కనిపిస్తే... వెంటనే వారిని పీహెచ్సీలలో చేర్చాలని సూచించారు. ఆక్సిజన్ వెంటిలేటర్లను ప్రారంభించి, కొవిడ్-19 ల్యాబ్లో మైనస్ డిగ్రీ రిఫ్రిజిరేటర్లను ఏర్పాటు చేయాలని కలెక్టర్ సందీప్ కుమార్ ఝా అన్నారు. హోమ్ ఐసోలేషన్ కిట్లను పంపిణీ చేయాలని పేర్కొన్నారు.
ఇవీ చూడండి: 'విద్యా సంవత్సరం వృథా కాదు.. పరీక్షలు నిర్వహిస్తాం'
