భాజపా రాష్ట్ర వ్యవహారాల ఇన్ఛార్జ్ తరుణ్ చుగ్ నేటి నుంచి మూడు రోజుల పాటు రాష్ట్రంలో పర్యటించనున్నారు. పార్టీ రాష్ట్ర అధ్యక్షుడు బండి సంజయ్‌తో కలిసి కుమురం భీం ఆసిఫాబాద్ జిల్లాకు వెళ్లనున్నారు. సిర్పూర్‌ కాగజ్‌నగర్‌లో ఏర్పాటు చేసిన బహిరంగ సభలో పాల్గొననున్నారు.. కాంగ్రెస్‌ పార్టీకి చెందిన పాల్వాయి హరీశ్, తరుణ్ చుగ్ సమక్షంలో పార్టీలో చేరనున్నారు.
రెండో రోజు తరుణ్ చుగ్ పార్టీ ముఖ్య నేతలతో సమావేశం కానున్నారు. వారితో.. పార్టీ బలోపేతం, చేరికలు, పట్టభద్రుల, కార్పొరేషన్ ఎన్నికలు, రాష్ట్ర రాజకీయాలపై సుదీర్ఘంగా చర్చించనున్నట్లు తెలుస్తోంది. మూడో రోజు పర్యటనలో నాగార్జున సాగర్లో జరిగే సమావేశంలో పాల్గొననున్నారు. ఉప ఎన్నికలో విజయంపై.. నేతలకు దిశానిర్థేశం చేయనున్నట్లు సమాచారం.
ఇదీ చదవండి: రీజనల్‌ రింగ్‌రోడ్డు కల సాకారం కాబోతుంది: కిషన్రెడ్డి
