కాగజ్​నగర్​లో భారత్ బంద్​.. వీధులు నిర్మానుష్యం

అన్నదాతలకు సంఘీభావం తెలుపుతూ పిలుపునిచ్చిన భారత్​ బంద్... రాష్ట్రంలో ప్రశాంతంగా కొనసాగుతోంది. కాగజ్​నగర్​ పట్టణంలో దుకాణాలు తెరవకుండా వ్యాపార సంస్థలు బంద్​కు సహకరిస్తున్నాయి.

నూతన వ్యవసాయ చట్టాలను రద్దు చేయాలంటూ రైతు సంఘాలు ఇచ్చిన భారత్ బంద్ పిలుపుతో కుమురం భీం జిల్లా కాగజ్ నగర్ పట్టణంలో బంద్​ కొనసాగుతోంది. దుకాణాలు తెరవకుండా బంద్ పాటిస్తున్నారు.

భారత్ బంద్​కు తెరాసతో పాటు కాంగ్రెస్, వామపక్షాలు పూర్తి మద్దతు తెలిపాయి. వ్యాపార సముదాయాలు తెరుచుకోకపోవడంతో వీధులన్నీ నిర్మానుష్యంగా మారాయి.

కాగజ్​నగర్​లో భారత్ బంద్​: వీధులు నిర్మానుష్యం

ఇదీ చదవండి: బంద్​కు ఆర్టీసీ మద్దతు... కదలని బస్సులు