కాగజ్​నగర్ మున్సిపల్ ఎన్నికలకు బల్దియా ఏర్పాట్లు

కుమురం భీం ఆసిఫాబాద్ జిల్లా కాగజ్​నగర్ పురపాలక ఎన్నికలను సజావుగా నిర్వహించేందుకు బల్దియా అధికారులు శరవేగంగా ఏర్పాట్లు పూర్తి చేస్తున్నారు.

కుమురం భీం ఆసిఫాబాద్ జిల్లా కాగజ్​నగర్ పురపాలక ఎన్నికలను సజావుగా నిర్వహించేందుకు బల్దియా అధికారులు శరవేగంగా ఏర్పాట్లు పూర్తి చేస్తున్నారు. ఒకవైపు ఓటరు సవరణ చేస్తూనే మరోవైపు మిగతా ఏర్పాట్లను పర్యవేక్షిస్తున్నారు. ఎన్నికల అనంతరం బ్యాలెట్ బాక్సులను భద్రపరిచేందుకు పట్టణంలోని ఎస్​కేఈ డిగ్రీ కళాశాలలో స్ట్రాంగ్ రూమ్​ను ఏర్పాటు చేశారు.

జిల్లా కేంద్రం నుంచి బ్యాలెట్ బాక్సులను తెప్పించి స్ట్రాంగ్ రూమ్​లో భద్రపరిచారు. కాగజ్​నగర్ పురపాలక సంఘంలో 30 వార్డులకు ఎన్నికలు నిర్వహించనుండగా... మొత్తం 68 పోలింగ్ స్టేషన్లు ఏర్పాటు చేయనున్నారు. ఒక్కో బూత్​లో రెండు బ్యాలెట్ బాక్సులు ఏర్పాటు చేయనుండగా మొత్తం 148 బ్యాలెట్ బాక్సులను అధికారులు తెప్పించారు.

ఇవీ చూడండి: చిరుజల్లు పలకరించింది... నగరం మురిసిపోయింది!