సీతారామ ప్రాజెక్టు ద్వారా ఖమ్మం జిల్లాలో వ్యవసాయ భూములు సస్యశ్యామలం కానున్నాయని ఎమ్మెల్యే రాములునాయక్ అన్నారు. ఖమ్మం జిల్లా వైరా నియోజకవర్గంలోని ఏన్కూరు, కారేపల్లి మండలాలలో జరుగుతున్న ప్రతిపాదిక కాలువ నిర్మాణ పనులను పరిశీలించారు.
అటవీ ప్రాంతం సందర్శన
కారేపల్లి సమీపంలో అటవీ ప్రాంతాన్ని సందర్శించి కాలువ నిర్మాణం, మ్యాప్‌ను ఎమ్మెల్యే పరిశీలించారు. డీఈలు వెంకన్న, రాందాస్‌లు జూలూరుపాడు మండలం నుంచి కొనసాగనున్న పనులు, పాలేరు జలాశయం వరకు నీటి మళ్లింపు పనులను వివరించారు.
త్వరితగతిన పనులు
సీతారామ జలాలను సాధ్యమైనంత వరకు వైరా నియోజకవర్గంలోని రైతులందరికీ ఇస్తామని ఎమ్మెల్యే రాములునాయక్ పేర్కొన్నారు. ఈ ప్రతిపాదనలను సీఎం కేసీఆర్ దృష్టికి తీసుకెళ్లి పనులు త్వరితగతిన పూర్తి చేస్తామని రాములు నాయక్ తెలిపారు. ఈకార్యక్రమంలో ఏఈ శరత్‌, వైరా మండల తెరాస అధ్యక్షుడు పసుపులేటి మోహన్‌రావు, రైతులు, అధికారులు పాల్గొన్నారు.
ఇదీ చూడండి: మరో తెరాస శాసన సభ్యుడికి కరోనా... గణేశ్‌ గుప్తాకు పాజిటివ్‌
