సైకిల్ తొక్కుకుంటూ వడివేగంగా వెళ్తున్న ఈమె పేరు మద్దాలి శ్రీదేవి. వయసు 58 ఏళ్లు. ఖమ్మం జిల్లాలోని నాయుడుపేటలో నివాసముంటుంది. తన తాత మాజీ ఎమ్మెల్యే మంచికంటి రాంకిషన్ రావును ఆదర్శంగా తీసుకుని 35 ఏళ్లుగా సైకిల్ తొక్కుతున్నట్లు శ్రీదేవి వెల్లడించారు. రాంకిషన్ రావు ఎమ్మెల్యేగా ఉన్న సమయంలో ప్రజలను కలిసేందుకు సైకిల్పై వెళ్లేవారని... ఆయన ఎప్పుడు ఆరోగ్యంగా హుషారుగా ఉండేవారని తెలిపింది.
తాతను చూస్తూ పెరిగిన ఆమె 1985లో సైకిల్ కొనుకున్నట్లు వెల్లడించారు. అప్పటి నుంచి సైకిల్పైనే తన ప్రయాణం సాగిస్తున్నట్లు పేర్కొన్నారు. నాటి నుంచి నేటి వరకూ ఎక్కడ పనిచేసినా... ఏదైనా అవసరమున్న సైకిల్పైనే వెళ్తానని శ్రీదేవి వెల్లడించింది. ఇలా రోజుకు ఐదారు కిలోమీటర్లు తిరుగుతున్నానని... దీనివల్లే ఆరోగ్యంగా ఉన్నట్లు చెబుతున్నారు శ్రీదేవి.
ఇదీ చూడండి: రయ్‌రయ్‌మంటూ బండితో రోడ్లపై దూసుకెళ్తున్న మైనర్లు
