కరోనా బాధితులకు సహాయంగా 6 అంబులెన్స్లకు రూ. 1.23 కోట్ల చెక్కును తెరాస లోక్ సభా పక్ష నేత, ఖమ్మం ఎంపీ నామ నాగేశ్వర రావు మంత్రి కేటీఆర్కు అందజేశారు. కొవిడ్ నేపథ్యంలో ప్రజలకు మరింత మెరుగ్గా వైద్యం చేరువయ్యేందుకు తనవంతుగా ఉమ్మడి ఖమ్మం జిల్లాలో ఈ ఆరు అంబులెన్స్లను అందుబాటులోకి తీసుకురానున్నట్లు తెలిపారు. వీటిని వైద్య ఆరోగ్య శాఖకు అందజేస్తున్నట్లు నామ పేర్కొన్నారు.
ఖమ్మం పార్లమెంట్ నియోజకవర్గ పరిధిలోని 7 అసెంబ్లీ నియోజకవర్గాలైనా.. 1. ఖమ్మం-పాలేరు, 2. వైరా, 3. మధిర, 4. సత్తుపల్లి, 5. అశ్వారావుపేట, 6. కొత్తగూడెంలలోని కరోనా బాధితులకు ఈ ప్రత్యేక అంబులెన్స్ల సేవలు త్వరలో ప్రారంభించనున్నట్లు వెల్లడించారు. అలాగే ఏదైనా ప్రమాదం జరిగినప్పుడు సమయం వృథా కాకుండా బాధితులను నిర్ణిత సమయంలో (గోల్డెన్ అవర్) ఆసుపత్రికి తీసుకువెళ్లేందుకు ఇవి ఉపయోగపడతాయన్నారు. ఆరు అంబులెన్స్ల కోసం చెక్ ఇచ్చిన ఎంపీ నామను మంత్రి కేటీఆర్ అభినందించారు.
ఇవీ చూడండి: మంత్రి హరీశ్‌రావుకు కరోనా పాజిటివ్
