త్వరలో జరగనున్న ఖమ్మం-వరంగల్-నల్గొండ ఎమ్మెల్సీ ఎన్నిక కోసం పట్టభద్రులంతా ఓటు నమోదు చేసుకోవాలని ఖమ్మం జిల్లా పరిషత్ ఛైర్మన్ లింగాల కమల్రాజు సూచించారు. మధిర తహసిల్దార్ కార్యాలయంలో జరుగుతున్న ఓటు నమోదు ప్రక్రియను ఆయన పరిశీలించారు.
ఈ ఎన్నికల్లో తెరాస విజయం ఖాయమన్నారు. పార్టీ శ్రేణులంతా పట్టభద్రులను ఓటు నమోదు చేసుకునేలా సహకరించాలన్నారు. అనంతరం తెరాస మండల అధ్యక్షుడు రావూరి శ్రీనివాసరావు ఓటు నమోదు పత్రాలను ఎమ్మార్వోకు అందజేశారు. ఈ కార్యక్రమంలో ఆత్మ కమిటీ చైర్మన్ రంగిశెట్టి కోటేశ్వరరావు, ఇతర నాయకులు పాల్గొన్నారు.
