ఎమ్మెల్యే చేతులమీదుగా లబ్ధిదారులకు చెక్కుల పంపిణీ

కల్యాణ లక్ష్మి, షాదీ ముబారక్ చెక్కులను లబ్ధిదారులకు ఎమ్మెల్యే సండ్ర వెంకటవీరయ్య చెక్కుల పంపిణీ చేశారు. నిరుపేద కుటుంబాలకు కేసీఆర్ అండగా నిలిచేందుకే ఈ పథకాలు ప్రవేశ పెట్టినట్లు ఎమ్మెల్యే తెలిపారు.

ఖమ్మం జిల్లా కల్లూరు మండల పరిషత్ కార్యాలయంలో కళ్యాణ లక్ష్మి, షాదీ ముబారక్ చెక్కులను ఎమ్మెల్యే సండ్ర వెంకటవీరయ్య లబ్ధిదారులకు అందజేశారు. కల్లూరు మండలంలోని పలు గ్రామాలకు చెందిన 59 మంది లబ్ధిదారులకు ఎమ్మెల్యే చేతులమీదుగా చెక్కులు పంపిణీ చేశారు.

నిరుపేద కుటుంబాలకు ఆడబిడ్డలు భారం కాకూడదనే ఉద్దేశంతో ముఖ్యమంత్రి కేసీఆర్ కల్యాణ లక్ష్మి పథకం ప్రవేశపెట్టడం జరిగిందని ఎమ్మెల్యే వెల్లడించారు.