'ట్రాక్టర్ ప్రమాద బాధిత కుటుంబాలను ఆదుకుంటాం'

జీల్లచెరువు ట్రాక్టర్​ ప్రమాదంలో మృతి చెందిన మృతుల కుటుంబాలు, గాయపడిన వారిని  అన్ని విధాలా ఆదుకుంటామని రవాణా శాఖ మంత్రి పువ్వాడ అజయ్​ కుమార్​ తెలిపారు. ఖమ్మం ప్రభుత్వ ఆస్పత్రిలో గాయపడిన 12 మందిని మంత్రి పరామర్శించారు.

ఖమ్మం జిల్లా కుసుమంచి మండలం జీల్లచెరువు సమీపంలో జరిగిన ట్రాక్టర్ ప్రమాదంలో గాయపడి.. ఖమ్మం ప్రభుత్వ ఆసుపత్రిలో చికిత్స పొందుతున్న 12 మందిని మంత్రి పువ్వాడ అజయ్​ పరామర్శించారు. క్షతగాత్రులతో మాట్లాడి ప్రమాద వివరాలు తెలుసుకున్నారు. ప్రభుత్వం వారిని అన్నివిధాలుగా ఆదుకుంటుందని హామీ ఇచ్చారు. ప్రమాదంలో మృతి చెందిన ఇద్దరు కుటుంబాలకు అండగా ఉంటామన్నారు.

ఇదీ చూడండి:ఒప్పో 5జీ ఫోన్​ విడుదల.. ధర, ఫీచర్లు ఇవే...